జిన్నింగు మిల్లులో భారీ అగ్ని ప్రమాదం

ఖమ్మం జిల్లా, కారేపల్లి మండల కేంద్రం సమీపంలోని అప్పాయిగూడెం పంచాయతీ పరిధిలో గల లక్ష్మి ప్రియ కోటక్ జిన్నింగు మిల్లులో శుక్రవారం మధ్యాహ్నం భారీ అగ్నిప్రమాదం జరిగింది. పత్తిని పూర్తిగా రైతుల వద్ద నుంచి కొనుగోలు చేసి జిన్నింగు చేస్తున్న క్రమంలో ఈ ప్రమాదం చోటుచేసుకుంది. ఈ ఘటనలో లక్షలాది రూపాయలు విలువ చేసే పత్తితో పాటు మిషనరీకి కూడా పాక్షికంగా నష్టం వాటిల్లింది. సమాచారం తెలుసుకున్న అగ్నిమాపక సిబ్బంది సకాలంలో ఫైర్ ఇంజన్ ద్వారా మంటలను ఆర్పడంతో పెను నష్టం తప్పింది. ఈ ప్రమాదానికి సంబంధించి షార్ట్ సర్క్యూట్ వల్లే జరిగి ఉండవచ్చని అనుమానాలు వ్యక్తం అవుతున్నాయి. ఈ విషయమై సిఎమ్‌ఓ గురురాజ్ కులకర్ణిని వివరణ కోరగా అంతా క్లియర్ అయ్యాక ఎంత నష్టం జరిగిందో తెలుస్తుందని అన్నారు.