తొలి వివాహ వార్షికోత్సవం..స్పెషల్ వీడియో పంచుకున్న కీర్తి సురేష్

తన స్నేహితుడు, వ్యాపారవేత్త ఆంథోనీతో స్టార్ హీరోయిన్ కీర్తి సురేష్ వివాహం గత ఏడాది డిసెంబరు 12న ఘనంగా జరిగిన సంగతి తెలిసిందే. వీరిద్దరి పెళ్లి జరిగి ఏడాది పూర్తయింది. తమ వివాహ తొలి వార్షికోత్సవం సందర్భంగా హీరోయిన్ కీర్తి సురేశ్ ఓ స్పెషల్ వీడియోను సోషల్ మీడియాలో అభిమానులతో పంచుకుంది. పెళ్లి వేడుక మధుర జ్ఞాపకాలను ఆమె గుర్తుచేసుకుంది. కీర్తి పెళ్లి వేడుక ఎంత సందడిగా, ఘనంగా జరిగిందో ఈ వీడియోలో చూపించారు. ఈ వీడియాలో కీర్తి సురేష్ చిరునవ్వులు చిందిస్తూ అభిమానులను మైమరపించింది.