మేడిపల్లి గ్రామంలో ఉద్రిక్తత

కొమురం భీం ఆసిఫాబాద్ జిల్లా సిర్పూర్ టీ మండలంలో మేడిపల్లి గ్రామంలో ఉద్రిక్తత నెలకొంది. గ్రామస్థులకు మంజూరు అయిన ఇందిరమ్మ ఇండ్లకు అధికారులు ముగ్గు వేసేందుకు గ్రామానికి వచ్చారు. అయితే భూమి అటవీ శాఖ పరిధిలో ఉందని , ఇండ్లకు ముగ్గు వేయవద్దని ఫారెస్ట్ అధికారులు అడ్డుకున్నారు. దీంతో ఫారెస్ట్ అధికారులు, గ్రామస్థుల మధ్య గొడవ జరిగింది. ఈ ఘటనతో ఆ ప్రాంతంలో కొద్దిసేపు ఉద్రిక్త వాతావరణం నెలకొంది. గ్రామస్థులంతా ఏకమవ్వడంతో అటవీ అధికారులు వెనుదిరిగారు. స్థానికుల సమాచారం మేరకు ఘటనా స్థలికి చేరుకున్న పోలీసులు ఎలాంటి అవాంచనీయ ఘటనలు జరకుండా గ్రామస్థులను చెదగొట్టారు. గ్రామంలో పోలీసులు గట్టి బందోబస్తు ఏర్పాటు చేశారు.